Уапсени се 12 мажи за силувањето на 11-годишно девојче во Приштина

Од:

Уште еден маж е уапсен за силувањето на 11-годишно девојче во Приштина. Денеска Основното обвинителство му одреди 48 часа притвор. Бројот на апсења во врска со овој случај сега е зголемен на 12.

Случајот со повеќекратно силување на 11-годишно девојче во Приштина, кој ја потресе косовската и регионалната јавност, се случи на крајот на август овде, годинава.

Според првите информации од тогашната полиција, таа во интервал од седум часа била силувана од пет лица, како што се сомневаат. Сите се уапсени, меѓу кои и малолетник.

Потоа се испостави дека случајот од август е всушност вториот и дека истата девојка била жртва на сексуален напад во јуни годинава, поради што потоа биле уапсени уште шест мажи.

Исто така, како што неодамна објави косовскиот министер Џељаљ Свеќља, информациите покажуваат и дека истиот малолетник бил силуван повеќе од една година.

Според обвинителството, цитирано од Кох, постои сомнеж дека мажот кому денеска му беше одреден притвор ја силувал девојката и во јуни.

Воедно обвинителството прецизира дека станува збор за полнолетно лице.

Со неговото апсење, бројот на уапсени мажи, осомничени за силување на 11-годишно девојче во Приштина во неколку одвоени случаи, се искачи на 12.

Инаку, овој случај го покренаа стотина демонстранти кои протестираа пред зградата на Владата.

Тогаш нивните пораки беа првенствено упатени до правосудните институции. Сметаат дека несанкционирањето на инволвираните во овој случај е неприфатливо, бараат оставки од инволвираните обвинители и судии и се сомневаат дека „насилството е извршено со посредство на државата“.

Досега, во врска со истиот случај, оставки поднесоа неколку високи функционери на косовската полиција, односно се разрешени од должноста.

Во последните неколку дена се пријавени уште најмалку три случаи на полов напад врз малолетници – во Гњилан, Исток и Клина.

Токму поради бројните пријави за вознемирување и сексуални напади на Косово, во кои во голем број случаи жртви се малолетни, обвинителите на сите обвинителства на Косово вчера назначија координатори за кривични дела против сексуалниот интегритет.

Би можело да ве интересира

Пукотница во Приштина: Убиен е маж, жена е тешко ранета

Грозоморно убиство во затвор во Србија: Го силувале со метла, починал старец

А1он

Притвор за политичарот од Романија кој силувал малолетничка, дете на негова колешка

Србин е уапсен во Австрија за силување жена

Момчиња од Тетово силувале малолетничка

Горан Наумовски

Маж од Штип осомничен дека силувал малолетничка