Уапсени братот и сопругата на Лука Бојовиќ

Од:

Во заедничка акција на српската и шпанската полиција во неколку градови во Шпанија, уапсени се најмалку 15 луѓе кои се доведуваат во врска со криминалната група на Лука Бојовиќ, а меѓу уапсените се државјани на Србија, Хрватска, БиХ и Црна Гора.

Акцијата ја извеле безбедносните служби на Србија, Управата на криминалистичката полиција и полицијата на Шпанија. Пребарани се 20 станови и приватни компании во Лас Палмас, Аликанте и во уште неколку шпански градови. Меѓу уапсените е и братот и сопругата на Бојовиќ.

Сите уапсени се осомничени дека се дел од криминалната група одговорна за ликвидации, перење пари и криумчарење кокаин од Јужна Америка кон Шпанија и земјите од Европската унија.

Лука Бојовиќ е означен како водач на т.н. Земунски клан, криминална организација на чие чело е од 2003 година, откако групата учествуваше во атентатот на српскиот премиер Зорана Ѓинѓиќ односно по полициската акција ‘Сабља’, во која се ликвидирани претходните шефови на кланот Душан Спасојевиќ Шиптар и Миле Луковиќ Кум.

Бојовиќ од Србија побегнал во 2010 година по апсењето на Сретко Калиниќ и Милош Симовиќ, откако тие претходно си ги расчистуваа сметките во Загреб.

Би можело да ве интересира

Пукање во Белград, повреденото момче не и кажува на полицијата кој го нападнал

Вработена во српското МВР издавала фалсификувани пасоши

Земјотрес во Крагуевац: „Добро се стресе“

ВИДЕО: 25 години од НАТО нападот на Србија

Катерина Ѓуровски

На млад фудбалер му била одземена платата бидејќи ставил „лајк“ на дуелот меѓу Русија и Србија во Москва

ВИДЕО: Зад прекинот на дуелот меѓу Србија и Русија стои човек кој мислеше дека ќе се збогати