Уапсен познат хирург од ВМА – ја тепал женаму со сукало, давел со сајла и уринирал врз неа

Од:

Познатиот хирург од ВМА, Н.О. (48), вчера бил уапсен поради семејно насилство. Според информациите, веќе подолго време физички ја малтретирал својата сопруга.

Вчера, околу 17 часот, соседи на брачната двојка, кои слушнале тепачка и расправија, повикале полиција. Вратата им ја отворила неговата сопруга, која рекла дека само вербално се расправале, но полицајците ги забележале повредите и побарале да ја однесат на преглед.

Тогаш клопчето на страшното насилство почнало да се отплеткува. Лекарите констатирале сериозни повреди – скршени ребра, надлактница, хематом на главата и набиеници по целото тело. По прегледот во болницата во Земун, била пуштена на домашно лекување.

Неофицијално, сопругата во исказот пред полицајците рекла дека „малтретирањето траело 27 дена и едвај го преживеала“. Како што информира „Телеграф.рс“, таа изјавила дека сопругот ја тепал со сукало, ја давел со сајла, уринирал врз неа и ѝ се заканувал дека ќе ја убие.

Брачниот пар има и три малолетни деца, кои, неофицијално, и самите трпеле ќотек од татко им.
Во истрагата полицијата запленила и два пиштола. Истрагата ја води Третото основно јавно обвинителство во Белград, а познатиот хирург ќе биде сослушан утре.

Тој се товари за кривично дело семејно насилство.

Би можело да ве интересира

(ВИДЕО) Малолетници украле автомобил, паднале од мост при полициска потера и преживеале

Посебен режим на сообраќај утре во општина Аеродром

Полицијата повторно го фати 92-годишниот возач од Сливен како вози без дозвола, овој пат му го одзеде автомобилот

Орце Костов

За шест часа во Скопје МВР казни 129 возачи, 27 од нив возеле без возачка дозвола

Претреси кај 53 лица во 29 општини и во Скопје, уапсени се 26 лица

Наставник претепал ученик во Тетово

А1он