Нинослав Јовановиќ, познат како „Малчански бербер“ е уапсен денеска во полициска акција во близина на гробиштата во неговото родно село Малча, јави „Б92“.
Тој е префрлен во затворот во Ниш, а портпаролот на обвинителството, Борислав Радоњиќ рече дека во моментов не знае дали сослушувањето ќе биде утре или во вторник. Како што посочи, тоа ќе зависи од собирањето на документацијата и другите докази.
Потрагата по Јовановиќ траеше од средината на декември, кога тој ја киднапира 12-годишната Моника Каримановиќ на патот кон училиштето.
„Мачанскиот бербер“ го држеше девојчето 10 дена во викендичка, по што успеа да и побегне на полицијата. Моника беше пренесена во болница, а по Јовановиќ се трагаше.