Уапсен контроверзниот босански политички ветеран Фикрет Абдиќ-Бабо

Од:

Припадници на Федералната полициска управа (ФУП) на Босна и Херцеговина денеска го уапсија началникот на општината Велика Кладуша, Фикрет Абдиќ, објавија босанските медиуми.

81-годишниот Абдиќ, кој е ветеран во босанската политика со почетоци уште во социјализмот, е уапсен по претрес во зградата на општината.

Како што објаснуваат од полицијата, станува збор за акција со име „Мрежа“, чија цел се неколку вработени во таа општина поради сомневање за злоупотреба на положбата и „коруптивни дејствија“.

Фикрет Абдиќ во времето на поранешна Југославија се истакнал како стопанственик и директор на локалниот гигант од Велика Кладуша Агрокомерц, а за време на војната во БиХ прогласил „автономна република Западна Босна“, која била во сојузништво со силите на Република Српска.

Долговечниот и контроверзен политичар со прекар Бабо беше избран за началник на Велика Кладуша пред четири години, и покрај тоа што претходно во Хрватска е осуден и одлежа десет години од 15-годишна затворска казна за воени злосторства.

Би можело да ве интересира

Босанскиот министер за прашања на борците почина од Ковид-19

Ана Ололовска

Пандемијата сериозно ја наруши надворешната трговија на БиХ

Ана Ололовска

Бил Клинтон и САД беа блиску да ја изневерат Босна и Херцеговина

Ана Ололовска

Објавени тајни документи: Како пропаднал планот на Клинтон да го реши прашањето на Босна

Ана Ололовска

ОН и СЗО загрижени поради здравствените извештаи во БиХ

Ана Ололовска

Комшиќ: Нема да дозволиме решението за Косово да се поврзе со БиХ

Ана Ололовска