Турскиот парламент денеска ќе одржи вонредна седница на која ќе се гласа за продолжување на мандатот на турската армија да извршува операции надвор од турската територија во случај на закана по безбедноста.
Парламентот е на одмот до 1 октомври, но денешната вонредна седница ќе почне со положување на заклетва на осум нови министри, кои не беа пратеници. А, потоа ќе се гласа за предлог-резолуцијата за продолжување за една година на мандатот на турската армија да извршува трансгранични операции во Ирак и во Сирија.
Во предлог-резолуцијата се наведува дека се бара продолжување на мандатот на турската армија поради зголемување на опасностите и заканите за националната безбедност на јужната копнена граница на Турција.