Турски хакери нападнаа грчки владини сајтови

Од:

Турските хакери „Анка Неферлер “ ја презедоа одговорноста за проблемите што синоќа се појавија на неколку грчки владини сајтови, тврдејќи дека извршиле хакерски напад, јави дописничката на МИА од Атина.

Хакерите преку социјалните мрежи објавија дека ги нападнале интернет-страниците на грчкиот Парламент, на Министерството за надворешни работи, на Националната разузнавачка служба на Грција, на грчката берза, како и на Министерството за финансии.

Конкретните сајтови, синоќа беа вон функција, а според грчката новинска агенција АНА-МПА, дел од службите сами ги симнале нивните сајтови за да избегнат дополнително да бидат хакирани.

Министерот без ресор, Јоргос Герапетритис, говорејќи за грчката телевизија „Опен“ истакна дека станува збор за координиран хакерски напад во исто време на повеќе владини сајтови.

Хакерскиот напад дојде само неколку часа по средбите во Атина на лидерот на Либиската националната армија, Халифа Хафтар со министерот за надворешни работи на Грција, Никос Дендиас и грчкиот премиер Кирјакос Мицотакис.

Би можело да ве интересира

Турција ја затвори границата со Иран поради коронавирусот

Ана Ололовска

(ВИДЕО) Турција: Најмалку осум загинати во земјотресот, 21 повреден

Ана Ололовска

Земјотрес од 6,7 по Рихтер на границата меѓу Иран и Турција

Ана Ололовска

Ердоган: Турција ќе дејствува поодлучно во Сирија

Ана Ололовска

ВИДЕО: Лансирани ракети кон руски Сухој над Идлиб, пилотот успеа да ги избегне

Предраг Петровиќ

Ердоган: Тоа што се случува во Идлиб во моментов може да се нарече војна

Ана Ололовска