Тројца косовски Албанци, обвинети за воени злосторства, се предале на полицијата, откако пред три дена побегнаа од затворската болница.
Сами Луштаку, Исмет Хаџа и Сахит Јашари се предале по преговори на нивните адвокати и семејства со правосудната мисија ЕУЛЕКС, косовската полиција и затворската управа.
Тројцата обвинети побегнаа, откако беше соопштено дека ќе бидат судени во Основниот суд во Косовска Митровица.
Луштаку, Хаџа и Јашари се меѓу членовите на т.н. Дреничка група, во составот на ОВК, обвинети за воени злосторства врз цивили, вклучувајќи измачувања и убиства, извршени во 1998 година во импровизиран затвор во селото Ликовац.