Градскиот штаб за вонредни ситуации прогласи тридневна жалост во Добој поради смртта на девет лица во поплавите што го погодија градот и цела Босна и Херцеговина.
Денови на жалост се 23, 24 и 25 мај.
Во големите поплави во Република Српска животот го загубија 18 лица, од кои најмногу во Добој.
По катастрофата во Добој се работи на создавање услови за враќање на жителите во градот. Денеска е нормализирано снабдувањето со електрична енергија, додека водата од водоводната мрежа е техничка и служи за чистење на објектите и улиците.
Делење на хуманитарна помош се врши на пунктови на Црвен крст, а од понеделник треба да се отвори и јавна кујна.