Старица од Словенија, дури откако тргнала да бара социјална помош, дознала дека на банкарската сметка има 16 милиони евра, за кои тврди дека незнаела дека постојат, јавуваат словенечките медиуми.
Нејзиниот идентитет не се открива, но откако во Словенија почнаа да важат новите правила за добивање социјална помош, според кои во предвид не се земаат само приходите, туку и сметките во банка заедно со недвижниот имот, државата почна да прави дополнителни проверки на лицата кои аплицирале за помош.
Освен старицата, во Словенија се откриени и други случаи каде лица со илјадници евра на своите сметки, аплицирале и добивале социјална помош.
Во оние случаи каде што е откриена злоупотреба социјалната помош се укинува.