Како главен услов за натамошни преговори помеѓу Белград и Приштина, претседателот на САД, Доналд Трамп го поставил признавањето на Косово од страна на Србија, пренесува српски Блиц.
Тоа била и пораката која пред десетина дена му била пренесен на српскиот претседател Александар Вучиќ и тоа преку специјалниот пратеник за дијалогот меѓу Приштина и Белград, Ричард Гренел.
Според српски „Блиц“, при посетата во Белград, Ричард Гренел му кажал на Вучиќ дека САД ќе бараат од Европската Унија да се изврши силен притисок врз Србија.
Вучиќ пак неколку пати од тогаш јавно кажа дека Србија нема да го признае Косово, веројатно никогаш.
Тој денеска за Фајненшл Тајмс вели дека одбивањето на ЕУ да започне преговори со Северна Македонија и со Албанија ја оправдува неговата политика на зближување со Русија и Кина.
Британскиот весник наведува дека Србија во петок ќе потпише спогодба за слободна трговија со Евроазиската унија.
-Ние мораме сами за себе да се грижиме. Се друго би било неодговорно, изјави Вучиќ за британскиот медиум.