Телото на 13-годишно момче, кое пред осум дена брановите го одвлекоа во морето, е пронајдено под тврдината Оштра на истоимениот рт, на хрватското приморје, потврдија за Радио Црна Гора од херцеговската полиција.
Веста за Јавниот сервис ја потврди Митар Тадиќ, шефот на криминалистичката истрага на Центарот за безбедност Херцег Нови, пренесува РТЦГ.
Тринаесетгодишното момче Н.В. од Херцег Нови исчезнал на 17 јануари. Момчето било на шеталиштето Пет Даница кога бран го повлекол во морето поради силниот јужен ветер.
Тогаш на крајбрежјето важеше црвен метеоаларм поради бурниот јужен ветер и дожд, а надлежните служби упатија предупредувања до граѓаните за опасност од невреме. Потрагата по момчето траеше осум дена.