Традиционалните фестивали со жива музика предизвикуваат загриженост во Грција поради можноста за ширењето на Ковид-19

Од:

Поради гужвите и непочитувањето на превентивните мерки за спречување на ширењето на коронавирусот, загриженост во Грција предизвикуваат традиционалните фестивали со жива музика, односно таканаречените панаѓури, јави дописничката на МИА од Атина.

И во изминатиот викенд се одржаа неколку такви фестивали во целата земја, присутните не само што не ја одржуваа потребната дистанца и не носеа маски, туку и играа оро, а епидемиолозите и заменик министерот за развој, говорејќи за грчките медиуми, ја оставаат отворена можноста да се воведат дополнителни рестриктивни мерки, па дури и да се забранат во текот на летото доколку продолжи непочитувањето на правилата.

Заменик министерот за развој Никос Папатанаси за телевизијата „Open“ вели дека инспекторите, секојдневно се на терен, додавајќи дека онаму каде што ќе се забележат прекршувања, ќе се соопштат дополнителни мерки и санкции, а не ја исклучи можноста да се забранат традиционалните фестивали.

Професорот микробиолог Алкивиадис Ватопулос, за грчката телевизија „Скај“ истакна дека „панаѓурите се опасни“ и ги повика локалните власти да бидат свесни за ситуацијата и да не организираат летово такви фестивали.

За да се разгледа моменталната ситуација со коронавирусот во земјата, грчкиот премиер Кирјакос Мицотакис денеска ќе одржи состанок со професорот епидемиолог надлежен за Ковид-19, Сотирис Циодрас и заменик министерот за цивилна заштита Никос Хардаљас.

Би можело да ве интересира

По силниот земјотрес во Грција, тлото продолжува да се тресе

Два силни земјотреси ја погодија Грција

Горан Наумовски

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди