Тешка ноќ за пожарникарите и локалното население во северозападниот дел на Атина, пожарот сè уште не е ставен под контрола

Од:

Шумскиот пожар во околината на планинското село Вилија во северозападниот дел на областа Атика, поширокиот регион на Атина и понатаму не е ставен под контрола, а противпожарните сили барем засега спречија, огнената стихија да стигне до куќите, иако неофицијално најмалку два објекти претрпеа штета, јави дописничката на МИА од Атина.

Пожарникарите ги очекува тешка ноќ, со оглед на тоа дека се активни повеќе жаришта во непрооден дел, а воздушните средства не интервенираат во мрак.

Министерот за цивилна заштита на Грција Михалис Хрисохоидис вечерва информираше дека во справувањето со огнената стихија вклучени се 427 пожарникари со девет пешадиски тима и 149 возила, а во текот на денот интервенираа и 29 воздушни средства меѓу кои и рускиот авион Бериев-200.

-Пожарникарите, буквално борејќи се со природната стихија, спречија пожарот да влезе во селото. Во конкретниот случај, треба да се соочат со густа шума, без посеви што би можеле да бидат природни зони за спречување, со постојани промени на правецот на ветерот и без да постои патна мрежа, што го отежнува пристапот до конкретните точки, рече Хрисохоидис.

Соопшти дека во текот на денот избувнале 42 пожари, а во целата земја има 84 пожари.

Иако во претпладневните часови се чинеше дека пожарот што е активен од понеделникот, полека се става под контрола, попладнево, промената на правецот на ветрот, предизвика неконтролирано ширење на огнот што стигна блиску до селото Вилија.

Заменик- префектот на периферијата Атика Василис Кокалис за грчката телевизија „Опен“ попладнево објасни дека во период од два и пол час неколку пати се сменила насоката на ветерот, а со тоа и интензитетот и правецот на пожарот и истакна дека „пожарот ќе запре кога нема да има што друго да изгори“.

Планинското село Вилија се наоѓа во северозападниот дел на областа Атика, на околу 50 километри од центарот на Атина и има околу 4.000 жители.

Би можело да ве интересира

Грција се подготвува за бурна ноќ, превентивно затворени два булевари во Атина

А1он

Пожар во изборниот штаб на ДУИ во Кичево

Уапсен Грк кој возилото го „паркираше“ на платото пред грчкиот Парламент и се закануваше дека ќе се разнесе

Целосно изгоре куќа во Волково, нема повредени

А1он

Пожар во галијата кај Холидеј Ин

А1он

Од Атина за Париз заминаа 11 деца бегалци без придружба

А1он