Тегелтија на средбите во САД: Република Српска не планира отцепување од БиХ

Од:

Претседавачот со Советот на министри на БиХ Зоран Тегелтија денеска имаше средби во Вашингтон со претставниците на САД, пред кои изјави дека Република Српска не планира отцепување и дека е важно внатрешните прашања во БиХ да се решаваат преку дијалог.

– Средбите во Белата куќа и Стејт департментот ги искористив за да ги пренесам моите ставови за ситуацијата во БиХ. Го повторив мојот страв од фактот дека БиХ сака да го напушти принципот на консензус, на кој почива држава со два ентитета и три конститутивни народи. Изразив загриженост поради несогласувањето околу внатрешниот дијалог, бидејќи една од страните очекува меѓународната заедница да испорача решенија што ќе одговараат на таа страна, рече Тегелтија, пренесува Кликс..

Тој вели дека на домаќините им рекол дека одредени претставници на меѓународни институции и амбасади во БиХ се на едната страна во БиХ, испраќајќи еднострани извештаи, што понекогаш доведува до ситуација тие институции и земји да носат погрешни одлуки.

– Фокусот на нивниот интерес беше одржување на избори оваа година. Реков дека е важно да се одржат избори, иако условите не гарантираат дека изборните резултати ќе бидат спроведени по изборите. Ставот на САД е дека се свесни дека спроведувањето на резултатите ќе биде комплицирано и тешко, но дека веруваат дека по изборите ќе се работи на самата имплементација, додаде тој.

Тегелтија смета дека клучниот проблем во БиХ е всушност недостигот на дијалог меѓу САД и сите страни во БиХ.

– Ги поканив на дијалог, да дојдат во БиХ и да разговараме за сите отворени прашања. Реков дека Република Српска го поддржува Дејтонскиот мировен договор, внатрешната структура и децентрализираниот систем на владеење во БиХ и, се разбира, територијалниот интегритет на БиХ. Повторив дека РС не сака, не планира ниту спроведува процес на отцепување од БиХ. – Тоа наиде на позитивни ставови кај претставниците на САД, бидејќи тие се оптоварени со ставови кои ја обвинуваат РС дека се обидува да го спроведе процесот на отцепување, заклучува Тегелтија.

Извор: МИА

Би можело да ве интересира

Нехамер: Босна и Херцеговина уште годинава може да добие кандидатски статус за членство во ЕУ

Ана Ололовска

Џаферовиќ: Побарав од ЕУ да и додели кандидатски статус на БиХ

А1он

Сатлер: Има шанса БиХ да добие кандидатски статус за ЕУ, Украина и во војна напредува со реформи

Ана Ололовска

Холандската Влада им се извини на воените ветерани кои беа во Сребреница

Ана Ололовска

Комшиќ ја обвини Хрватска дека ја злоупотребува својата улога во иницијативите на ЕУ и НАТО за БиХ

Ана Ололовска

Чавушоглу: Турција со сите разговара исто, Додик е член на Претседателството сакале или не

Ана Ололовска