Косовскиот премиер Хашим Тачи од претседателот на парламентот побара да се одложи расправата за предлог-законот за ратификација на договорот помеѓу Косово и Србија.
Тоа за агенцијата „Телеграф“ го потврди заменикот на премиерот Хајредин Кучи, кој истакна дека Тачи поднел барање да се одложи ратификацијата на договорот, која е на дневен ред на утрешната седница во косовскиот парламент, поради неговата посета во Брисел и најавените средби со премиерот на Србија, Ивица Дачиќ.
Според неговите зборови, барањето за одложување на седницата е координирано од Демократскиот сојуз на Косово и со Алијансата за иднина на Косово.
Елена Георгиевска