Тачи: Нема никаква тајна агенда за состанокот во Берлин

Од:

Косовскиот претседател Хашим Тачи изјави дека средбата на челниците на Косово и Србија на 29 април во Берлин едноставно претставува продолжение на заинтересираноста на Германија и Франција за Косово и регионот, јави дописникот на МИА од Приштина.

Тачи преку својата страница на Фејсбук тврди дека на таа средба нема да има никаков план за предлагање некакво решение за договор меѓу Белград и Приштина.

Тој, исто така, негира дека зад оваа средба се крие некаква тајна агенда за решавање на споровите меѓу Косово и Србија.

– Очекуваме, на крајот, оваа средба да резултира со реторичка заедничка изјава, претходно усогласена меѓу учесниците, која меѓу другото барем уште еднаш ќе ја потврди европската перспектива на нашиот регион и ќе ја нагласи неопходноста од нормализацијата на односите меѓу Косово и Србија, пишува Тачи.

Според косовскиот претседател, „за Косово би било разочарување доколку Франција и Германија и на оваа средба не ги усогласат ставовите во однос на одлуката за визна либерализација“ за косовските граѓани.

– Косово останува единствената изолирана земја во Европа. Затоа, да се говори за европска перспектива на Косово, макар и само реторички, претставува повеќе од дволичност, порача Тачи.

Би можело да ве интересира

Мета: Албанија не може да биде дел од дијалогот Косово-Србија

Штуни: Косово е најзагрозенo од поранешни џихадисти

Средба Ахмети – Мустафа: Постои готовност изборите да се одржат на 6 октомври

Ана Ололовска

Македонските власти ќе бараат од Косово објаснување за забраната за увоз на компир и мед

Ана Ололовска

Харадинај: Не беше лесно да се спречи распарчувањето на Косово

Ана Ололовска

САД го напуштија одборот на косовската Агенција за споредување и верификација на имот