Тачи добил поддршка од Помпео и Пелоси за постигнување конечен договор со Србија

Од:

Претседателот на Косово, Хашим Тачи, кој престојува во Вашингтон за Молитвениот појадок во организација на американскиот претседател, Доналд Трамп, соопшти дека се сретнал со државниот секретар на САД, Мајк Помпео и со претседателката на Претставничкиот дом, Ненси Пелоси и дека од двајцата добил поддршка за постигнување договор со Србија.

Како што јави дописникот на МИА од Приштина, Тачи информацијата ја соопшти преку својот профил на „Фејсбук“, каде што објави и фотографии од средбите со Помпео и Пелоси.

„Како и секогаш, посебно задоволство е да се разговара со државниот секретар на САД, Мајк Помпео. И денеска, на Молитвениот појадок, разговаравме за развојот на настаните во Косово и во регионот на Западен Балкан. Уште еднаш се потврди целосната поддршка од САД за дијалогот и за постигнување сеопфатен и конечен договор меѓу Косово и Србија“, напиша Тачи.

Слична објава, дваесетина минути подоцна, косовскиот претседател имаше и за средбата што ја имал со спикерката на Претставничкиот дом, која, за разлика од Помпео, кој е републиканец, доаѓа од редовите на Демократската партија.

„Ненси Пелоси е стара пријателка на Косово и за тоа и изразив признание за време на Молитвениот појадок. Во Вашингтон, кога е во прашање Косово, сите говорат со еден глас во поддршка на мировниот договор“, напиша Тачи покрај сликата со Пелоси.

Тачи, министерот за надворешни работи Беџет Пацоли и неколку пратеници во Собранието на Косово учествуваат на годинешниот молитвен појадок во Вашингтон, кој традиционално се одржува првиот четврток во месец февруари.

Би можело да ве интересира

Поранешниот шеф на ЦИА стана директор на украинска компанија за мобилни телефони

Горан Наумовски

ВИДЕО: Хашим Тачи се изјасни за невин по сите точки од хашкото обвинение

Почнува хашкиот порцес против Хашим Тачи

Помпео: Бугарија има шанса да го реализира својот потенцијал како енергетски центар во југоисточна Европа

А1он

Помпео: Во Вухан се изведуваат тајни воени експерименти

Катерина Ѓуровски

Кина го нарече Помпео „богомолка“

Ана Ололовска