Косовскиот премиер Хашим Тачи на седницата на Советот за безбедност, при ОН побара усвојување на нови резолуции за Косово и завршување на мандатот на УНМИК.
Исто така Тачи истакна дека косовските институции се одлучни да го спроведат бриселскиот договор и дека очекуваат Белград да го исполни договореното.
-Очекуваме Србија да го исполни договореното и да ги убеди Србите на северот на Косово да го прифатат договорот. Двете држави мораа да направат компромиси, кои што се во интерес на сите граѓани на Косово-изјави тој.
Освтнувајќи се на безбедносната ситуација на Косово, Тачи нагласи дека во периодот во кој генералниот секретар на ОН се занимаваше со извештајот, немало ниту еден инцидент.
Премирот на Србија, Ивица Дачиќ нагласи дека Србија е цврсто решена да го затвори минатото, кое не може да се промени, но дека може да влијае на иднината.
Елена Георгиевска