СзС: Вучиќ го потврди неуспехот на својата политика кон Косово

Од:

Српскиот претседател Александар Вучиќ со својата денешна изјава дека на Србија ќе и се понуди решение за Косово „кое нема да смее да го прифати, но ќе биде тешко и да го одбие“, уште еднаш го потврди неуспехот на својата политика на Косово, соопшти опозицискиот Сојуз за Србија (СзС).

Како што јави дописникот на МИА од Белград, од СзС додадоа дека Вучиќ веќе осум години преговара со своите партнери, Хашим Тачи и Рамуш Харадинај, а пред седум години го потпиша и Бриселскиот договор „давајќи им на приштинските власти контрола врз целата територија на Косово и Метохија“.

Според СзС, „долги години слушаме приказни за тоа како тој се бори, како спие на под, како водиме 5:0 во преговорите и дека има неверојатна репутација и пријатели низ целиот свет“.

– Никогаш не е водена ниту една дискусија за каков било план за решавање на косовското прашање. Ниту во Собранието на Србија, ниту во јавноста. Овој обид да се скрие зад „народот“ е уште една кукавичка изјава на узурпаторот Вучиќ, се вели во соопштението.

Од СзС реагираа и по денешната изјава на една од партиите од коалицијата на СзС – Заедно за Србија (ЗЗС), и на лидерот на партијата и актуелен градоначалник на Шабац, кој изјави дека ЗЗС ќе излезе на локалните избори во овој град, додека парламентарните избори ќе ги бојкотира.

– Со одлуката да учествува на лажните избори, Заедно за Србија се дисквалификува од натамошната работа на Сојузот за Србија и српската опозиција, која ги бојкотира изборите и ги почитува своите обврски кон граѓаните од Договорот со народот, соопштија од СзС.

Би можело да ве интересира

Ослободена српската новинарка која ја критикуваше состојбата во Клиничкиот центар Војводина

Ана Ололовска

Српската Влада ја повлекува одлуката за информирање во текот на вонредната состојба

Ана Ололовска

ОБСЕ загрижени за централизираното информирање на српската влада за епидемијата

А1он

Амбасада на САД во Приштина: Реципроцитетот кон Србија е на штета на Косово

А1он

Српската влада ја забрани работата на сите објекти и дејности кои подразбираат физички контакт

А1он

Во Србија регистрирани 160 нови случаи на коронавирус

А1он