Светиот синод на ГПЦ: Причестувањето не може да биде причина за пренесување на болести

Од:

Новиот коронавирус беше една од темите на денешниот состанок на Светиот синод на Грчката православна црква и соопштуваат дека „причестувањето не може да биде причина за пренесување на болести“, јави дописничката на МИА од Атина.

dobivaj vesti na viber

Во изминатиот период во Грција, со ширењето на Ковид-19, се отвори голема дискусија во однос на тоа дали верниците треба да се причестат, со оглед на тоа дека причестувањето со врши со една иста лажичка и чаша со вино.

– Причестувањето од истата чаша на животот, секако, не може да биде причина за пренесување на болести, затоа што верниците од сите возрасти знаат дека присуствувањето на Божествена причест, дури и во време на пандемија, претставува, практична афирмација на самопредавањето на Бога, но и силно покажување на љубовта, која го опфаќа целиот човечки и можеби оправдан страв, соопштуваат од Светиот синод на ГПЦ.

Додаваат дека „без никого да осудуваат за стравот и загриженоста“, тие ќе продолжат со литургиите и причестите во црквите.

Во соопштението, потсетуваат на мерките за заштита од новиот коронавирус и ги повикуваат оние кои имаат симптоми или припаѓаат на здравствено ранливите категории, со респираторни проблеми или дијабетес или кардиоваскуларни заболувања, да останат дома.

Била донесена одлука, за дополнително информирање на верниците, во црквите да се делат специјални информативни летоци.

Би можело да ве интересира

РПЦ стравува дека Грција насилно ќе ги протера руските монаси од Света Гора

А1он

Грчката црква најави собири за Водици и покрај владината забрана

Жарко Настоски

Поглаварот на ГПЦ со благи симптоми на Ковид-19 пренесен во болница

Ана Ололовска

Светиот синод на ГПЦ: Литиите ќе се одржат со голема претпазливост без гужви меѓу верниците

Ландов

ГПЦ донираше специјална опрема за грчката војска на границата со Турција кај Еврос

А1он

На 17 мај црквите во Грција почнуваат со литургии за верниците

А1он