Британскиот премиер Риши Сунак се договори со својот албански колега Еди Рама за потребата од зајакнување на соработката меѓу двете земји со цел борба против илегалната имиграција на Албанците во Велика Британија и организираниот криминал, изјави денеска портпаролот на Сунак.
„Двајцата лидери се согласија дека треба да се направи повеќе во борбата против илегалната имиграција и дека треба заеднички да се бориме против организираниот криминал. Двајцата разговараа за плановите за решавање на заедничките предизвици, вклучително и дупките во законот што го спречуваат брзото враќање на одбиените баратели на азил“, додаде портпаролот.
Извор: МИА