Судот во Приштина го ослободи од притвор пратеникот Фатмир Лимај, поранешен командант од Ослободителната војска на Косово (ОВК), кој е обвинет за воени злосторства извршени во село Клечка во март 1999 година.
Адвокатот на Лимај, Том Гаши изјави дека неговиот клиент е ослободен заедно со уште неколкумина други обвинети, поранешни членови на ОВК.
Судот оценил дека обвинетите не можат да влијаат врз текот на судскиот процес. Тие се обвинети за тортура и за убиство на српски и албански цивили во Клечка.
Лимај и уште деветмина обвинети беа судени за случајот во Клечка и добија ослободителна пресуда од првата инстанца од судот на ЕУЛЕКС, но во ноември Врховниот суд ја поништи ослободителната пресуда и нареди преразгледување на делото.