Студентски протест во Приштина поради неформирање на владата

Од:

Група студенти од Приштинскиот универзитет се собраа денеска пред Собранието на Косово на протест поради тоа што, и по повеќе од три месеци од одржувањето на вонредните парламентарни избори во земјата, се уште не е формирана новата влада, јави дописникот на МИА од Приштина.

Под мотото „Доста играте со овој народ“, кое го запишаа со боја пред влезот во дворот на Собранието, студентите побараа од партиите победнички на изборите, Движењето Самоопределување (ВВ) и Демократскиот сојуз на Косово (ЛДК), да и надминат личните интереси и „да помислат и на граѓаните“.

Претставник на студентите порача дека ваквите политички игри, неформирањето на институциите и политичкиот грч во кој живее државата, ги тераат младите да ја искористат првата прилика за да ја напуштат државата.

– Не гледаме напредок во ниедна сфера. Ни предизвикуваат главоболки со нивните игри за власт. Деградирано е образованието, економијата, политиката… Ние ќе побегнеме веднаш штом се квалификуваме, класата на добри луѓе ќе побегне, порача во своето обраќање студентот Беким Ибиши, најавувајќи дека протестите ќе продолжат и во иднина, а политичарите ќе бидат навредувани и исвиркувани секаде каде што ќе бидат видени поради тоа што не работат.

Изборите во Косово се одржаа на 6 октомври и од тогаш досега опозициските партии ВВ и ЛДК не успеваат да се договорат за формирање влада, поради несогласувања околу поделбата на функциите.

Би можело да ве интересира

Лидерите на косовската владина коалиција на средба за таксата на увозот од Србија

А1он

Тачи: Тврдоглавоста на Курти го носи Косово во изолација и ги расипува односите со САД

Ана Ололовска

Вучиќ: Најавата на Курти е нов трик и обид за измама

Ана Ололовска

Косовската Влада издвои 400 илјади евра за борба против коронавирусот

Ана Ололовска

ЕУ ја поздрави одлуката на Курти да ги укине царините за Србија и БиХ

Ана Ололовска

Гренел: Не ги поддржуваме полумерките на Курти

Ана Ололовска