Две лица загинале, а повеќе се повредени во сударот помеѓу автомобил и автобус, кој околу 8 часот утрово се случил на магистралниот пат Подгорица – Никшиќ, јавуваат црногорските медиуми.
Полицијата неофицијално соопштува дека се повредени околу 20 лица. Тие се пренесени во болницата во Никшиќ, каде се собрале поголем број граѓани за да донираат крв.
Несреќата се случила кога се судриле минибус, кој се движел кон Подгорица и возило со будвански регистарски таблички кое се движело кон Никшиќ, по што од силината на ударот, минибусот излетал во провалијата покрај патот, а автомобилот удрил во карпа.
Пожарникари, полицајци и здравствени работници ги извлекуваат телата на настраданите од минибусот, кој по сударот се превртел.
Фото: Вјести.ме