Странски државјани вложиле 524,44 милиони евра во Црна Гора

Од:

Вкупните инвестиции на странски државјани и компании во Црна Гора во периодот од јануари до август годинава изнесуваат 524,44 милиони евра, покажуваат прелиминарните податоци на Централната банка на Црна Гора.

Од друга страна, 210,19 милиони евра, или 40 проценти од вкупниот износ, излегле од земјата во истиот период, така што нето странските директни инвестиции изнесуваат 314,15 милиони евра.

Според податоците на Централната банка на Црна Гора, 102,19 милиони евра влегле во компании и банки, меѓукомпанискиот долг (заеми од матични компании од странство) изнесува 214,36 милиони, 153,15 милиони се инвестирани во недвижен имот, а другите инвестиции изнесуваат 54,73 милиони евра.

Од 52 земји за кои се наведени инвестициите на нивните граѓани во Црна Гора, дури 12 имаат инвестиции од повеќе од десет милиони, 24 над еден милион евра, додека сумите што потекнуваат од земји што не се на списокот се 9,96 милиони евра. На врвот на листата на земји од кои пристигнаа најмногу директни странски инвестиции е Русија со 82,58 милиони евра. Од тоа, најголемата сума од 31,46 милиони евра се однесува на недвижен имот што нивните граѓани го купиле во Црна Гора, по што следува така наречениот меѓукомпански долг во износ од 29,27 милиони евра, а Русите инвестирале 21,6 милиони евра во црногорски компании и банки.

Втор по големина инвеститор е Малта со сума од 70,35 милиони евра, што е речиси целосно меѓукомпаниски долг од 70,19 милиони евра.

Србија го зазема третото место со инвестиции од 53,34 милиони евра, од кои 23,17 милиони се однесуваат на купување недвижен имот во Црна Гора.

Би можело да ве интересира

Омикрон идентификуван и во Црна Гора

Катерина Павлова-Николовска

Црна Гора: Скапата струја го гаси Комбинатот за алуминиум, 500 луѓе најверојатно ќе останат без работа

Буџетот на Црна Гора за 2022 година предвиден за рамномерно финансирање по региони

Ана Ололовска

Азербејџанскиот милијардер Исмаилов доби азил во Црна Гора

Столтенберг за стравот на Ескобар за кредибилноста на црногорската Влада: НАТО има строги протоколи за споделување инфромации

Уапсен поранешниот директор за национална безбедност на Црна Гора

Ана Ололовска