Стотици луѓе затруени во Дечани на Косово, властите негираат дека причината е нечиста вода

Од:

Според последните извештаи, околу 1.500 луѓе се затруени во косовската општина Дечани, а градоначалникот Башким Рамосај, прогласи вонредна состојба во општината. Според локалните медиуми, причината за труењето најверојатно е нечиста вода за пиење.

Директорот на косовскиот Центар за семејна медицина, Селмон Бериша, рече дека на најголемиот дел од пациентите им била пружена помош во Дечани, додека мал број биле упатени во болницата во Пеќ. Според него, здравствената состојба на пациентите е добра.

Министерот за здравство, Арбен Витија, ги негираше информациите кои се појавија во дел од медиумите, дека имало две починати лица. Според министерот, двата смртни случаја не се поврзани со труењето. Тој додаде дека Општина Дечане ќе има приоритет во снабдувањето со лекови и сè што е потребно.

Директорот на Националниот институт за јавно здравје на Косово, Насер Рамадани, на прес-конференција рече дека лабораториските тестови не покажале дека граѓаните биле затруени со вода.

„Лабораториските резултати што излегоа денес, во моментов покажуваат дека немаме никакви траги на труење со вода. Ова не значи дека не постои можност за појава на хидрични инфекции, но ние ќе продолжиме со постојана анализа и на водата и на тестовите на пациентите“, рече Рамадани.

Би можело да ве интересира

Германија испраќа дополнителни војници во Косово

Горан Наумовски

Десетгодишни близнаци се пронајдени мртви во куќа во Романија

Уапсен Србин на Косово: Обвинет е за воени злосторства

Горан Наумовски

23-годишна Украинка пронајдена мртва на автопатот „Арбен Џафери“ во Косово

Катерина Ѓуровски

Вучиќ за Косово: На сите во лице им кажав што нема да исполниме од Охридскиот договор

Горан Наумовски

Косово одбележува 16 години од независноста

А1он