Стоев: Бугарија очекува јасни гаранции од Северна Македонија

Од:

Софија очекува јасни гаранции од Скопје по однос на правата на граѓаните со бугарска национално чувство и исполнувањето на Договорот за пријателство од 2017 година, истакна шефот на бугарската дипломатија Светлан Стоев на билатерални средби со еврокомесарот за соседство и проширување Оливер Вархеји и со шпанскиот министер за надворешни работи, ЕУ и соработка Хозе Мануел Албарез Буено.

Како што јави БГНЕС, средбите, на кои станало збор за перспективите за почеток на преговори на Северна Македонија за членство во ЕУ, се одржале во Барселона во рамките на Шестиот регионален форум на Унијата за Медитеранот и министерскиот состанок на ЕУ и земјите партнери од јужното соседство.

– Бугарската страна ги истакна своите проактивни напори во последните месеци за решавање на отворените прашања со Скопје, со цел да се гарантираат правата на граѓаните со бугарски идентитет и спроведувањето на Договорот за пријателство, добрососедство и соработка од 2017 година. Очекуваме јасни гаранции од Република Северна Македонија за ова, соопшти бугарското МНР.

Стоев денеска и утре престојува во Рига каде учествува на состанокот на министрите за надворешни работи на земјите членки на НАТО, на кој учествува и шефот на дипломатијата Бујар Османи.

Во рамки на министерскиот состанок на НАТО, како што соопшти бугарското МНР, ќе се одржи и средба со високиот претставник на ЕУ за надворешна политика и безбедност Жосеп Борел и партнерите Шведска и Финска за актуелните случувања на Западен Балкан.

Би можело да ве интересира

Петков до Ковачевски: Добрососедството може да донесе придобивки не само за двете земји, туку и за целиот регион

Ана Ололовска

Бомгартнер: Изградба на силна Европа е приоритетот на француското претседавање со Советот на ЕУ

Ана Ололовска

Ескобар: Зборувавме со Франција за С. Македонија што поскоро да ги почне преговорите

Ана Ололовска

Димитров алармира дека по секоја цена ќе се решава спорот со Бугарија: Не му верувам на Бујар Османи

Кристијан Ландов

Анкета на БНТ: Расте бројот на бугарски граѓани кои сметаат дека Македонија треба да стане членка на ЕУ

Ана Ололовска

Кирил Петков: Уште во текот на овој месец ќе одам во Скопје

А1он