Српскиот епидемиолог Кон: Лекарите се исцрпени, мора да има заострување на мерките

Од:

Епидемиологот и член на српскиот кризен штаб, д-р Предраг Кон, изјави дека приливот на пациенти со коронавирус во болниците мора да се запре, бидејќи лекарите и медицинскиот персонал се исцрпени.

На прашањето дали ќе бидат засилени постојните мерки, Кон рече дека за ова сè уште не се разговарало, но дека во медицинскиот дел на Кризниот штаб постои мислење дека мора да постои некое видливо заострување, бидејќи порастот на бројот на новозаболени претставува дополнителен ризик на кој треба да се реагира.

– Остана работното време, останува однесувањето за време на викендот – тоа се работи за кои треба да се разговара, вели Кон за ТВ Прва и додава дека допрва ќе се види сè.

Само по 3 милиони вакцинирани лица можеме да зборуваме за излегување од пандемијата, но сепак ја гледаме светлината на крајот на тунелот бидејќи бројот на вакцинирани лица се зголемува – посочи епидемиологот.

Како што додаде, ќе има зголемување што ќе трае некое време, бидејќи постојат различни околности во кои луѓето се собираат и во кои се шири вирусот.

По повод собирите на кои граѓаните се збогуваат со Ѓорѓе Балашевиќ, Кон рече дека и Балашевиќ би сакал да бидеме повнимателни и дека е негова обврска да го каже тоа.

Тој посочи дека мора да се прифати фактот дека непочитувањето на мерките резултира со зголемување на бројот на заразени лица и дека интензивно мора да се следи состојбата во училиштата, особено во средните училишта.

Би можело да ве интересира

Пукање во Белград, повреденото момче не и кажува на полицијата кој го нападнал

Вработена во српското МВР издавала фалсификувани пасоши

Земјотрес во Крагуевац: „Добро се стресе“

ВИДЕО: 25 години од НАТО нападот на Србија

Катерина Ѓуровски

На млад фудбалер му била одземена платата бидејќи ставил „лајк“ на дуелот меѓу Русија и Србија во Москва

ВИДЕО: Зад прекинот на дуелот меѓу Србија и Русија стои човек кој мислеше дека ќе се збогати