Српски војници се жалат: Офицерите нè принудуваат да се вакцинираме

Од:

Воениот синдикат на Србија добил поплаки од извесен број војници кои тврдат дека командантите на нивните единици вршат притисок врз нив да се вакцинираат против Ковид-19.

– Во случајот на вакцини наменети за имунизација против вирусот Ковид-19, слободна волја на секој припадник на српската армија е дали ќе биде вакциниран и секој има право да биде информиран за составот на вакцината и контраиндикациите што може да ги предизвика. Не треба да го игнорираме фактот дека вакцината е едно од најголемите достигнувања на цивилизацијата и медицината во заштитата од болести, но исто така, одлуката дали ќе се вакцинира или не зависи само од личната волја и совеста на поединецот, и затоа никој не може да толерира никакви санкции, се вели во соопштението на Синдикатот.

Според соопштението, „некои команданти потчинетите со наредба ги условуваат да примат вакцина, повикувајќи се на Правилото за служба на Српската армија“.

Синдикатот потсетува дека Уставот на Србија е највисок правен акт во хиерархијата на правните акти, и ниту еден подзаконски акт, по правило, не може да ги негира или намали правата што се директно загарантирани со Уставот. При тоа, го цитира членот 25 од Уставот на Србија со кој се гарантира неповредливост на физичкиот и менталниот интегритет на секој граѓанин.

– Значи, повеќе од јасно е дека никој, под никаков изговор, а особено под закана, не може да изврши притисок врз никого да го изложи своето тело и здравје на нешто што не го сака, се додава во соопштението.

Би можело да ве интересира

Епидемијата во Србија пак се засилува – денеска скоро 3.500 заразени и 17 починати

Жарко Настоски

Поранешниот тапанар на „Леб и сол“ Драгољуб Ѓуричиќ на интензивна нега со Ковид-19

Жарко Настоски

Пристигна втората пратка вакцини од српската донација

Катерина Павлова-Николовска

Кинеската вакцина „Синофарм“ ефикасна во 72,51 отсто од случаите со коронавирус

Израел ќе ги донира неискористените вакцини

Втората пратка вакцини од Србија пристигнува денеска