Педесетгодишен државјанин на Србија со својот автомобил удрил двајца пешаци кај Жупања во Хрватска. Двајцата загинале во сообраќајната несреќа што се случила вчера околу 23 часот.
„Истрагата утврдила дека до несреќата дошло кога двајца мажи, пешаци се движеле по коловозната лента на автопатот А3, иако на автопатот е забрането да се движат пешаци, а на нив налетал 50-годишен државјанин на Србија“, соопшти полицијата.
Потоа, во телата на двајцата мажи, исфрлени на патот, удриле две возила со германски ознаки управувани од 33-годишен маж и 38-годишна жена, германски државјани, кои се движеле зад автомобилот што го управувал српскиот државјанин.
Од тројцата возачи се земени примероци од крв и урина за да се утврди присуство на алкохол, а возилото на 50-годишникот е привремено одземено за вештачење.
Телата на жртвите се пренесени во Националната меморијална болница „Др. Јурај Њавро“ во Вуковар со цел да се изврши обдукција и идентификација.