Во само еден ден, пролетта на островот Брач во Хрватска е заменет со студена зима.
Хрватскиот остров е прекриен со снежна покривка и изгледа како допрва да почнува зимата.
Снежна покривка од 8 сантиметри има и во Медведница, а на Плитвички езера покривката е два сантиметри.
Ова е резултат на наглото доаѓање на ладниот бран поради кој температурата на некои места падна и за десетина степени.
Снегот паѓа со прилично јака бура, која е присутна долж целиот брег на Јадранот, а метеоролозите најавуваат дека оваа снежна бура ќе се задржи до четврток.