Драстично е зголемена цената на обработливо земјиште лани во Србија, пишува весникот „Вечерње новости“. Поточно, цената на 1 хектар обработливо земјиште од 8 илјади евра се зголемила на 16 илјади евра.
Причината за ова зголемување е тоа што вложувањето во земја е најсигурно во време на криза, објаснуваат за весникот агрономи.
Весникот констатира дека врз цената големо влијание имаат и 230 странски компнии, кои во Војводина инвестирале вкупно 6,432 милијарди евра, потоа приватизацјата на земјоделските комбинати, но и сѐ повисоката цена на храната на светскиот пазар.
Експерти велат дека со приближување на Србија кон Европската унија, можен е поголем пораст на цените на обработливата земја.