Србија: Секој трет ученик од прва година средно се коцка

Од:

Секој трет ученик во прва година средно образование во Србија се коцка, покажува истражувањето на Институтот за јавно здравје „Д-р Милан Јовановиќ Батут“.

Во текот на второто полугодие од учебната 2017/18 година, Батут во 101 основно и средно училиште во Србија, спроведе истражување за здравственото однесување на децата на училишна возраст, како дел од меѓународно истражување.

Резултатите од истражувањето покажаа дека најмалку 34,6 отсто ученици од прва година од средно училиште се коцкале барем еднаш, а во претходната година 27,5 проценти од нив, со поголема зачестеност меѓу момчињата.

Ивица Младеновиќ, шеф на Клиниката за болести на зависност од Институтот за ментално здравје во Белград, за „Блиц“ изјави дека резултатите од студијата биле поразителни.

„Од правна гледна точка, имаме Закон за коцкање што забранува коцкање на возраст под 18 години, што укажува дека доживеавме тотално фијаско во областа на спроведувањето на законот и искрено се надевам дека надлежните ќе одговорат“, вели д-р Младеновиќ.

Би можело да ве интересира

Србија: Од сабота до понеделник забрана за движење во цела држава

А1он

Во Србија регистрирани 111 новозаразени и тројца починати

А1он

Ослободена српската новинарка која ја критикуваше состојбата во Клиничкиот центар Војводина

Ана Ололовска

Српската Влада ја повлекува одлуката за информирање во текот на вонредната состојба

Ана Ололовска

ОБСЕ загрижени за централизираното информирање на српската влада за епидемијата

А1он

Амбасада на САД во Приштина: Реципроцитетот кон Србија е на штета на Косово

А1он