Србија отвори ново поглавје во пристапните преговори со ЕУ

Од:

а меѓувладина конференција во Брисел, Србија вечерва во пристапните преговори со Европската Унија го отвори поглавјето 4, што се однесува на слободата на движење на капиталот.

Oва е второ поглавје што Србија го отвора годинава, по поглавјето девет за финансиски услуги отворено во јуни.

Во техничка смисла, Србија имаше подготвено уште три поглавја за отворање – поглавјето 2 за слободно движење на работниците, поглавјето 21 за трансевропски мрежи и 14. за транспортна политика, но политички договор меѓу земјите-членки беше постигнат само за поглавје 4.

Со тоа Србија досега има отворено 18 од 35. поглавја, од кои две се затворени.

Финската министерка за европски прашања Тути Тупураинен, чија земја претседава со ЕУ, оцени дека проширувањето на ЕУ преставува стратешка инвестиција за мирот, стабилноста и развојот на Европа.

Тупураинен истакна дека отворањето на ова поглавје со Србија е силен и позитивен сигнал за целиот Западен Балкан.

Српската делегација на Меѓувладината конференција во Брисел ја предводеше министерката за евроинтеграции Јадранка Јоксимовиќ.

– Отворањето на ова поглавје покажува дека Србија не стои во место и без оглед на атмосферата, која во последно време не беше во прилог на политиката за проширување, сепак оваа политика постои. Таа има свои подеми и падови, но со отворањето на ова поглавје покажуваме дека политиката на проширување е жива, изјави Јоксимовиќ.

Таа додаде дека „отворањето на поглавјето 4 за слободно движење на капиталот не е само сигнал за регионот или начин да се покаже дека политиката на проширување е жива, отворањето на ова поглавје значи дека Србија спроведува реформи“.

– Може ли тие да бидат побрзи? Можат. Особено во некои области и ние ќе се обидеме во иднина да го забрзаме овој процес, затоа што пред сè, тоа е во наш интерес, наведе Јоксимовиќ.

Би можело да ве интересира

Вучиќ и Додик за Дејтонскиот договор: Нема ништо без согласност на Србите

Ана Ололовска

Чадеж: Поддршката на САД за „малиот шенген“ е голема

Ана Ололовска

Вучиќ: Изборите во Србија ќе се одржат на 19 или 26 април

Ана Ололовска

Вучиќ: Да, постои паника со загадувањето, но и кампањата што се води е гротескна

Ана Ололовска

Тигањ: Секогаш можете да сметате на силна политичка поддршка од Хрватска на вашиот пат кон ЕУ

Ана Ололовска

Лончар: Никој се уште не измислил ветер за да го растера загадувањето

Ана Ололовска