Претседателот на Србија, Томислав Николиќ и премиерот Ивица Дачиќ по состанокот со високата претставничка на ЕУ, Кетрин Ештон најавија дека дијалогот Белград и Приштина ќе продолжи на 20-ти март.
На заедничката конференција Дачиќ истакна дека се уште постојат разлики во ставовите на двете држави, за формирање на заедница на српските општини на Косово и дека договор по тоа прашање се уште не е постигнат.
Тој нагласи дека договор нема да има додека не се разгледаат суштинските предлози на Белград и мора да се најдат одговори на прашањата што ќе претставува заедницата и кои ќе бидат нејзините надлежности, како и прашањата за полицијата и правосудството.