Митрополитот загрепско-љубљански на Српската православна црква, Порфирије, е избран за нов патријарх и ќе биде 46-от поглавар што ќе ја предводи СПЦ.
Новиот патријарх – наследникот на Иринеј Гавриловиќ, го избра Светиот архиерејски собор, чијашто седница беше одржана во криптата на Храмот на Свети Сава во Белград.
Во таканаречената „апостолска жрепка“ за изборот на новиот патријарх се најдоа имињата на тројца владики: Порфирије, Иринеј Бачки, митрополитот Бањалучки Јефрема, пишуваат српските медиуми.
Митрополитот Порфирије неодамна во интервју за Спутник зборуваше за задачите кои го очекуваат новиот патријарх, за службата во Загреб, како и за покојниот патријарх Павле и за митрополитот Амфилохије.