Спасувачка акција во близина на грчкиот остров Родос, спасени 29 лица

Од:

Од рано утрово во тек е спасувачка акција во морскиот дел јужно од грчкиот остров Родос за пронаоѓање на бегалци и мигранти, а веќе се спасени 29 лица од околу 80 кои се пренесувале во чамецот што се нашол во тешка положба, јави дописничката на МИА од Атина.

dobivaj vesti na viber

Од крајбрежната служба на Грција соопштија дека утрово биле информирани дека чамец со странски државјани е во тешка положба, по што веднаш започнала акцијата во која учествуваат два чамци за спасување на крајбрежната служба, еден брод на воената морнарица, три брода што се во близина, како и хеликоптер Супер пума.

Досега, спасени се 29 лица, додека според она што тие го кажале, во чамецот имало околу 80 бегалци и мигранти.

Спасувачката акција е на 38 наутички милји јужно од Родос во меѓународните води и во рамките на делот во кој Грција е одговорна за потрага и спасување.

Од првиот момент бил информиран министерот за поморство на Грција Јанис Плакиотакис, кој дал наредба веднаш да се мобилизираат сите средства за спасување на лицата.

Извор: МИА

Би можело да ве интересира

Митаракис: Грција спречува нелегални заминувања од земјата

А1он

Трговец со луѓе од Валона заработувал милион евра неделно: Разоткриена мрежа на албански шверцери

А1он

Анадолија: Грција префрла оклопни возила на демилитаризираните острови во Егејското Море

Најмалку 77 мигранти удавени во бродоломот во близина на сирискиот брег

А1он

Анкета: Покачувањето на цените најголем проблем за Грците

Ана Ололовска

Мицотакис го информирал Гутереш за односите со Турција

Ана Ололовска