Амбасадорите на земјите членки на ЕУ одлучија да не ја вратат Србија на списокот на земји на кои им е дозволено да патуваат во ЕУ врз основа на подобра епидемиолошка состојба.
Новата ажурирана листа не вклучува нови земји, ниту земји од Западен Балкан, потврдија дипломатски извори од Брисел, пренесува српски „Б92“.
Одлуката на амбасадорите треба да биде потврдена преку постапка во која сите земји членки на Унијата треба да бидат присутни, а потоа и официјално тие заедно да донесат одлука во Советот на ЕУ до август.
Според „Танјуг“, нема да има нови сесии на амбасадорите на ЕУ во текот на следниот месец, а списокот ќе се ажурира како прашање на итност, само во случај на драстична промена на епидемиолошката состојба на земјите од Западен Балкан.