Состојбата на српските деца на лекување во Бугарија и понатаму е тешка

Од:

Децата примени во најголемата бугарска болница „Пирогов“ по несреќата со српскиот автобус се уште се во тешка состојба, соопшти денеска на брифинг со новинарите директорот Валентин Димитров.

dobivaj vesti na viber

Како што јави дописникот на МИА од Софија, повредените се сместени на интензивна нега, меѓу кои и од Стара Загора. Нема директна опасност по нивните животи, додаде д-р Димитров.

Едно дете по долга операција вчера ноќта ја помина релативно мирно. Утрово екипите се собираат и има уште две операции кои се потребни за подобрување на неговата состојба. Сите медицински и хируршки екипи на „Пирогов“ се во готовност. Тој додаде дека неговите колеги имаат целосна поддршка од Министерството за здравство на Бугарија.

Амбасадорот на Србија во Бугарија, Жељко Јовиќ, им се заблагодарува на бугарските власти за помошта во спасувањето на децата по несреќата со неговите сонародници на автопатот Тракија во неделата вечерта.Во две одделни интервјуа за БНТ и бТВ. Јовиќ ги дефинираше активностите на бугарските спасувачки и медицински тимови како многу професионални.

Тој објави дека речиси сите српски деца се веќе во Србија. Двете деца кои се оперирани останаа во Софија, а во Стара Загора има семејство од мајка и татко со нивните три ќерки.

„Благодарам сограѓани Бугари, благодарам до сите институции, до градоначалникот на Стара Загора, до обичните луѓе. Во првиот момент ја видовме реакцијата на обичните луѓе кои се вратија од морето, кои веднаш реагираа, тие не размислуваа за себе. Многу благодарам на сите што учествувавте“, изјави српскиот амбасадор во Софија, Жељко Јовиќ.

Тој коментира дека и Србија ќе спроведе своја истрага по завршување на истрагата на бугарските власти.

Би можело да ве интересира

Курти отворено се заканува со воен конфликт: Четири причини за војна со Србија

А1он

Нема реакции од Османи кога Македонија се прогласува за бугарска, бурни осуди кога се навредува Бугарија

Кристијан Ландов

Србија урива рекорди во туризмот: Од почетокот на годината ја посетиле три милиони туристи

А1он

Руско стампедо во Белград: Станови се купуваат во кеш, на пазарот му се заканува нов земјотрес

А1он

САД бараат објаснување од Србија за тоа што е потпишано со Русија, ЕУ сериозно загрижена

Катерина Павлова-Николовска

Борисов одби да учествува во дебатата со Кирил Петков и Асен Василев

Ана Ололовска