Сопствениците на јавни куќи во Грција незадоволни од новите здравствени протоколи

Од:

Сопствениците на бордели во Грција сметаат дека новите здравствени правила кои мораат да ги следат доколку сакаат да работат во услови на пандемија, ќе му наштетат на нивниот бизнис.

По тримесечна пауза, грчките бордели од неделава повторно може да работат, но под строги услови и здравствени протоколи за да се спречи ширењето на коронавирусот. Сите клиенти и вработени ќе мораат да носат маски, а максималното времетраење на услугите е 15 минути.

Менаџерите на јавните куќи ќе треба четири седмици во затворен коверт да ги чуваат податоците на клиентите, во случај некој од вработените биде позитивен на коронавирусот и да треба да се направи проверка на контактите. Токму овој пропис најмногу ќе му наштети на бизнисот, велат сопствениците.

„Кој е тој клиент што ќе ви ги даде личните податоци? Ви кажувам, луѓе ќе почнат да гладуваат“, изјави за Ројтерс Ана Курупу, транс-жена која ја предводи организацијата „Црвен чадор“.

„Правилата се смешни, да не употребам посилен збор,“ вели Рита, менаџерка на бордел во центарот на Атина.

Според здравствените протоколи од Националната организација за јавно здравје, како што објавија грчките медиуми, давателите на услуги треба пред секој клиент да ги мијат рацете или да користат антисептик, да избегнуваат непотребни контакти, како на пример ракување, услугата да не биде подолга од 15 минути, а не е дозволено давање услуга на повеќе клиенти истовремено.

Во протоколите, меѓу другото, се препорачува меѓу главите на двете лица да има растојание од најмалку една подлактница.

 

Би можело да ве интересира

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди

Герапетритис: Потребно е доследно, строго и целосно почитување на Договорот од Преспа

Орце Костов

Земјотрес во Грција