Словачките медиуми го критикува сопругот на косовската претседателка Атифете Јахјага, поради фактот што на Самитот на претседатели на централна и југоисточна Европа, дошол без сериозна облека и вратоврска, прекршувајќи го државниот протокол,кога станува збор за кодексот на облекување.
Словачки медиуми објавија фотографија на претседателката Јахјага со сопругот кој е без вратоврска, со обична кошула и со џемпер префрлен на рака.
„Ова може да се земе и како непочитување на словачката држава како домаќин на Самитот, бидејќи официјална Братислава сеуште го нема признато Косово, објавуваат медиуми во Словачка
– Сопругот на претседателката е дел од официјалната делегација и треба да го почитува протоколот. Тој не одеше да игра голф. Ова е официјален Самит и тој требаше да го знае тоа. И претседателката треба да знае, вели Олга Перушкова, експерт за протокол.