Солун на 7 јуни ќе биде домаќин на Шестата манифестацијата „Голи велосипедисти“.
Целта на манифестацијата е да се поттикнат граѓаните да го користат велосипедот како превозно средство. Учесниците ќе се изјаснат против употребата на автомобилите, зависноста од нафта и од енергетски извори кои не се обновливи.
„Дојде време да ставиме крај на бесрамното изложување на луѓето и на планетата на загадувањето. Учествувајте сите кои се осмелуваат да возите голи“, е мотото на годинашната манифестација.
„Голи велосипедисти“ е меѓународна манифестација што се одржува секоја година.