Сплитската полиција ги објави деталите за вчерашните настани во Сплит, во кои маж со остар предмет избодел колега од работа, а потоа скокнал од зградата и починал.
Како што јавија вчера локалните медиуми, конфликтот дошол меѓу двајца работници на бродска компанија. 49-годишен маж со нож избодел колега во вратот, а потоа се качил на врвот од зградата и скокнал. Тој не го преживеа падот.
Со кривична истрага за настаните од вчера, кога околу 14 часот во зградата кај Копилица 49-годишен маж беше тешко повреден, утврдено е постоење на основано сомнение дека починатиот 34-годишен го повредил 49-годишникот со нож и нанел тешка физичка повреда во пределот на вратот. 49-годишниот маж е задржан во болница на понатамошно лекување, информираат од полицијата.
Се додава дека во врска со смртта на 34-годишниот не се утврдени елементи на кривично дело, а телото е пренесено во Институтот за судска медицина каде ќе се врши обдукција.
Полициски службеници извршиле увид на местото на настанот, прибрале материјални докази, а до државното правобранителство во Сплит ќе биде испратен посебен извештај со целокупната документација, се вели во полициското соопштение.