Со мали инциденти заврши одбележувањето на годишнината од студентскиот бунт и падот на хунтата во Атина

Од:

Со мали инциденти во атинската населба Ексархија што важи за собиралиште на анархисти, со една повредена девојка, нападнат новинар и со 28 уапсени и 13 приведени лица заврши одбележувањето на 46-годишнината од студентскиот бунт и падот на хунтата, јави дописничката на МИА од Атина.

Инцидентите се случија откако заврши официјалниот дел односно протестниот марш од Политехничкиот факултет до Aмбасадата на САД, откако група маскирани лица со пиротехника, предмети, неколку молотови коктели и слично ја нападнаа полицијата, која одговори со солзавец и шок бомби.

Населбата Ексархија беше под големо полициско обезбедување, а неофицијално девојката е повредена од страна на полицијата.

Како што претходно објави МИА, најмалку шест лица беа уапсени во населбата Ексархија неколку часа пред тензиите, во акција на полицијата за спречување инциденти.

Уапсената група била на тераса на зграда, а биле пронајдени меѓу другото и молотови коктели, гас маски, камења и друго.

Во изминатите години, одбележувањето на 17 ноември завршуваше секогаш со инциденти токму во Ексархија, а непознати лица ја напаѓаа полицијата со молотови коктели од зградите во населбата. Нешто што денеска не беше случај.

Протестниот марш од Политехничкиот факултет, од каде што започна бунтот во 1973 година, до Амбасадата на САД помина мирно и масовно, а заедно со блокот на СИРИЗА кусо на почетокот од маршот беше и поранешниот грчки премиер и лидер на партијата, Алексис Ципрас.

До Американската амбасада заедно со членови на неговата партија маршираше и лидерот на МЕР25, Јанис Варуфакис.

Центарот на грчката престолнина денеска беше под силно полициско обезбедување, а само пред Амбасадата на САД имаше 18 полициски автобуси.

Би можело да ве интересира

4.500 луѓе спречени да се качат на бродови во атинското пристаниште, немале доказ дека се вакцинирани

Жарко Настоски

Грција: Над 2.500 нови случаи и петмина починати, во земјата има 1.087 заразени со делта-сојот

Жарко Настоски

Во Атина запленија 350 кила кокаин сокриен во вреќи со кафе од Гватемала

Жарко Настоски

120.000 млади Грци во еден ден се пријавија за државни ваучери од 150 евра, во замена за вакцинација

Жарко Настоски

Над 200 отсто зголемено присуството на Ковид-19 во отпадните води во Солун и Атина

Ана Ололовска

Грчката црква со поддршка на вакцинацијата – теориите за микрочип во вакцините се нереални

Ана Ололовска