Словенија: Со години го криел телото на покојната мајка, за да продолжи да ја зема пензијата

Од:

Словенечката полиција уапси 67-годишен маж, кој повеќе години го криел телото на покојната мајка, тврдејќи дека е жива, за да продолжи да ја добива нејзината пензија.

Полицијата била алармирана од роднини на жената, кои барале да ја посетат, а нејзиниот син постојано одбивал.

Телото на починатата жена било пронајдено во станот на уапсениот во Љубљана. Се претпоставува дека жената починала пред неколку години, но официјално не се утврдени причината и датумот на смртта. Според приказната на синот, жената сега требала да има 97 години.

Според дел од словенечките медиуми, жената последен пат била видена пред шест години, додека според други медиуми таа била видена во 2011 година.

Уапсениот син, чие име не е соопштено, ги лажел роднините дека неговата мајка не сака да се види со никого. Тој го фалсификувал нејзиниот потпис и продолжил да ја прима нејзината пензија, пишуваат словенечките медиуми.

Би можело да ве интересира

Во Словенија се отвораат ски-центрите, училиштата и некои услужни дејности

Ана Ололовска

Ерјавец ја повлече кандидатурата за словенечки премиер поради случаи на коронавирус меѓу парламентарците

Ана Ололовска

Словенија ja поддржува идејата за „ковид пасоши“

Жарко Настоски

Словенија: Десетина пратеници сомнителни на коронавирусот, Парламентот не го одложува гласањето за доверба на Владата

Жарко Настоски

Словенечката Влада одобри дел од средствата за непречена работа на агенцијата СТА

Ана Ололовска

ВИДЕО: „Антимаскери“ протестираа во Љубљана, се жалат дека државата ги репресира

Жарко Настоски