Словенија: Работниците од трети земји мора да научат основи на словенечкиот јазик

Странските работници од трети земји, кои не се членки на ЕУ, во Словенија ќе го изгубат правото на надомест за невработеност и ќе бидат избришани од евиденцијата на Заводот за вработување доколку во рок од една година не ги научат основите на словенечкиот јазик, се наведува во владиниот предлог-закон.

Како што наведува порталот „Журнал24“, во словенечкиот завод за вработување евидентирани се над 7.600 странци од трети држави, а голем дел не ги познаваат ниту основите на словенечкиот јазик.

Странците, во рок од 12 месеци по пријавувањето во заводот за вработување ќе мора да докажат основно знаење на јазикот или ќе бидат избришани од евиденција, пренесува Хина.

Министерката Ксенија Клампфер изјави дека цел на предложените законски измени е поголема интеграција на странските работници на словенечкиот пазар на труд.

Кон крајот на минатата година во словенечките заводи за вработување биле пријавени 7.653 лица од трети држави, меѓу нив најголемиот дел од БиХ, Косово, Северна Македонија и Србија.

Би можело да ве интересира

Словенија: Дополнителен број војници испратени на границата со Италија како помош за полицијата

Невреме во Словенија и Хрватска, помош за општините кои претрпеа големи штети

Татјана Ташкова

За неколку дена во Словенија приведени речиси 100 илегални мигранти

Татјана Ташкова

Шарец: Словенија го бара местото еврокомесар за проширување

Словенија и Италија почнаа заеднички гранични контроли

Ана Ололовска

Салвини планира и бодликава жица на италијанско-словенечката граница