Словенија и донира 35 тенкови на Украина, произведени во Југославија

Од:

Словенија на Украина и донира 35 оклопни амфибиски возила БВП М80А, произведени во поранешна Југославија. Возилата со железница веќе се испратени во Полска и Украина.

dobivaj vesti na viber

Словенија во договор со САД, за донацијата во Украина од американската Влада ќе добие средства за купување на оружје и опрема за словенечката војска. САД ќе донираат поголема сума од проценетата опрема што е испратена во Украина.

Деконзервација на оклопните возила траеше неколку недели, а испраќањето помош на украинската армија досега наидуваше на логистички тешкотии поради ставот на Унгарија дека не дозволува транспорт на оружје за Украина преку нејзина територија.

Амфибиското гасенично возило БВП М80А, може да има екипаж од тројца војници, а е опремено со топ со калибар 20 милиметри, митралез и фрлачи на противтенковски ракети Маљутка.

Словенечкиот министер за одбрана Марјан Шарец истакна дека Љубљана со донацијата го исполни ветувањето за Украина и придонесе за нејзината одбрана. Тој додаде дека Словенија веќе и донирала на Украина пешадиско оружје, шлемови, панцири и друга опрема, а сега ќе се концентрира на други форми помош, вклучително и деминирање и помош за обновата на Украина по војната.

Шарец најави и дека најверојатно ќе биде и понудено обука на украинските војници во Словенија или во друга земја-членка на НАТО.

Извор: МИА

Би можело да ве интересира

Пахор: Единствен начин за решавање на проблемите на Западен Балкан е забрзување на процесот за членство во ЕУ

Ана Ололовска

Бројот на слободни работни места во Словенија достигна рекордно високо ниво во вториот квартал

Пожарот во Словенија продолжува да беснее, на италијанската страна има жртва

Ана Ололовска

ВИДЕО: Голем пожар во Словенија, евакуација на три села

Пожар од Италија се прошири кон Словенија

Претседателските избори во Словенија закажани за 23 октомври

Горан Наумовски