Од вкупно 1.198 тестови на коронавирус направени вчера во Словенија, 21 се позитивни, што е најголем број на нови инфекции за едно деноноќие од 16 април, кога беа регистрирани 36 случаи, објави новинската агенција СТА.
Девет пациенти се наоѓаат на лекување во болница, но ниту еден од нив не е на интензивна нега.
Во земјата не се регистрирани нови смртни случаи и нивниот број останува, колку што претходно изнесуваше – 111, соопштија словенечките власти.
Вкупниот број заразени од почетокот на епидемијата во таа земја изнесува 1.633 лица.