Словенечкиот Врховен суд одлучи дека нема правна основа за изрекување казни за неносење заштитни маски во затворени јавни простори. Што значи оваа одлука за оние кои веќе ја платиле казната? Ништо ако не поднесат тужба против државата. Нема автоматизам во враќањето, објави словенечко Дело.
Казните за поединци се движеа од 400 до 4.000 евра.
Адвокатот Блаж Ковачич Млинар за Дело вели дека на оние кои веќе ги платиле казните им останува само правен лек и дека можат да ја тужат државата.
„Имаат можност да ја тужат државата затоа што немаше правна основа за изрекување парична казна. Тоа е неоправдано збогатување на земјата. Тешко е да се предвиди како ќе испадне ова, но во секој случај, како и кај сите слични постапки, може да заврши со спогодба. Главниот збор го има државното обвинителство, кое ја претставува Република Словенија“. Тој додава дека нема автоматизам за враќањето на казната.
Врховниот суд на Словенија, синоќа одлучи по барањето за заштита на законитоста против правосилната пресуда на окружен суд, кој издаде опомена до сторителот за делото според Законот за заразни болести. Судскиот совет оцени дали, земајќи ги предвид основните принципи на кривичното право, делото од точка 14 од првиот став од членот 57 од Законот за заразни болести (ЗНБ) може да се идентификува во случај на неносење заштитна маска. Тие, исто така, посочија дека не мора да коментираат за прашањето за разумноста во однос на налогот за носење маски или административната или друга димензија на таквата наредба.
Словенечкиот премиер Јанез Јанша на таа одлука објави:
Неверојатно. На друго место во ЕУ, судството се обиде да помогне да се спасат здравјето и животот на луѓето, само во Словенија Врховниот суд…се попаметни од целата здравствена и правна професија во ЕУ“.